query_builder Fri Nov 27 2020 7:16 AM
visibility 8
എസ്.ഐയുടെ പരിശീലന ക്ലാസ് ഇന്നും സമൂഹ മാധ്യമങ്ങളില്‍ വൈയറലായി കൊണ്ടിരിക്കുന്നു.
തിരൂര്‍:കടലില്‍ പോകുന്ന മത്സ്യ തൊഴിലാളികള്‍ക്ക് ജീവന്‍രക്ഷയുടെ ഭാഗമായി മാര്‍ഗ നിര്‍ദേശങ്ങളും പരിശീലനവും നല്‍കിയ തിരൂര്‍ എസ്.ഐ ജലീല്‍ കറുത്തേടത്തിനെ തിരൂര്‍ ട്രാഫിക് ഗാര്‍ഡ് അസോസിയേഷന്‍ അനുമോദിച്ചു. ബോട്ടിലൂടെ കടലില്‍ യാത്ര ചെയ്താണ് മത്സ്യ തൊഴിലാളികള്‍ക്ക് ജീവന്‍ രക്ഷാ ഉപകരണങ്ങള്‍ ഉപയോഗിച്ച് എസ്.ഐ ജലീല്‍ പരിശീലനം നല്‍കിയത്. കടലില്‍ എസ്.ഐ നടത്തുന്ന പരിശീലന പരിപാടി കൂടെ ഉണ്ടായിരുന്ന മത്സ്യ തൊഴിലാളികള്‍ കാമറയില്‍ പകര്‍ത്തി സമൂഹ മാധ്യമങ്ങളിലൂടെ പുറം ലോകത്തെത്തിക്കുകയും ചെയ്തു. ഇതോടെ തിരൂരിന്റെ എസ്.ഐ ജലീല്‍ കറുത്തേടത്ത് മാധ്യമ വാര്‍ത്തകളില്‍ നിറഞ്ഞു.എസ്.ഐയുടെ പരിശീലന ക്ലാസ് ഇന്നും സമൂഹ മാധ്യമങ്ങളില്‍ വൈയറലായി കൊണ്ടിരിക്കുകയാണ്.ടി.ജി.എ തിരൂര്‍ താലൂക്ക് കണ്‍വീനര്‍ റിയാസ് മുളക്കല്‍ ഉപഹാരം നല്‍കി സമ്മാനിച്ചു.ടി.ജി.എ വര്‍ക്കിംഗ് പ്രസിഡന്റ് ടി.പി ഉമ്മര്‍, സെക്രട്ടറി അലി ഗുരുക്കള്‍, ട്രഷറര്‍ രാജകുമാര്‍, ഷറഫുദ്ദീന്‍ പല്ലാര്‍, റസാഖ് തിരുന്നാവായ, ചന്ദ്രന്‍ കുറ്റിപ്പുറം, ഫിഫറത്ത് എന്നിവര്‍ സംബന്ധിച്ചു.
ടി.ജി.എ തിരൂര്‍ താലൂക്ക് കണ്‍വീനര്‍ റിയാസ് മുളക്കല്‍ എസ്.ഐ ജലീലിന് ഉപഹാരം സമ്മാനിക്കുന്നു