query_builder Mon Nov 30 2020 11:44 AM
visibility 4
വിജയം ആവർത്തിക്കാൻ - നാടിന് കരുതലും സ്വന്ത്വനവുമാകാൻ സന്തോഷ് കപ്രാട്ട്.
പഞ്ചായത്തിൻ്റെ വിജയവും ഒത്തുവന്നാൽ വാർഡിൻ്റെ സമഗ്ര വികസനത്തിന് ഗ്രാമസഭക്കപ്പുറം ജനാഭിപ്രായം തേടി സമഗ്ര വികസനപാക്കേജ്.
"സന്തോഷേട്ടൻ കീ ജെയ്"..... തൊണ്ട പൊട്ടുമാറുച്ചത്തിൽ കുട്ടികൾ ആർത്തുവിളിച്ചു. എടക്കര പഞ്ചായത്തിലെ വെള്ളാരംകുന്ന് എട്ടാം വാർഡിലെ ഇടത്പക്ഷ സ്ഥാനാത്ഥി സന്തോഷ് കപ്രാട്ടിനെ കണ്ടപാടെ കടുത്ത വേനൽ ചൂടിനെ വകഞ്ഞു മാറ്റി പന്തുതട്ടുന്ന കുരുന്നുകൾ ഓടിയെത്തി.അവർക്ക് ബൂട്ടും പന്തും നൽകണമെന്നാണ് അഭ്യർത്ഥന. എടക്കര ഗവ: ഹയർ സെക്കൻ്ററി സ്ക്കൂളിനെ പുരോഗതിയുടെ പാതയിലേക്ക് നയിച്ച മുൻ പി ടി എ പ്രസിഡണ്ടിനെ ആത്രമേൽ ഇഷ്ടമാണവർക്ക്."നന്നായി പഠിക്കണം ഒപ്പം മറഡോണയെ പോലെ താരമാവണം"
രണ്ടു തവണ ജില്ലയിലെ മികച്ച പി ടി എ ക്കുള്ള അവാർഡിൻ്റെ തിളക്കത്തിൽ സൗമ്യത കൈവിടാതെ സന്തോഷ് ഇത്രയും പറഞ്ഞപ്പോൾ കുട്ടികളുടെ നീണ്ടകരഘോഷം."സന്തോഷേട്ടൻ കീജെയ്.
ഇത് സന്തോഷ്കപ്രാട്ട്.വിജയ തുടർച്ചക്കായാണ് ഇത്തവണത്തെയങ്കം.കഴിഞ്ഞ തവണ എടക്കര ടൗണിൽ നിന്നും(10-ാം വാർഡ്) വൻ ഭൂരിപക്ഷത്തോടെ ജയിച്ചു കയറി. കാലാവധി പൂർത്തിയാക്കുമ്പോൾ തികഞ്ഞ സംതൃപ്തിയോടെ തിരിച്ചു വരാം എന്ന കരുതലോടെ പഞ്ചായത്തിൻ്റെ പടിയിറങ്ങിയതാണ്.
വ്യാപാര ഭവൻ റോഡിൻ്റെ നവീകരണം സന്തോഷിൻ്റെ ദീർഘദൃഷ്ടിയുടെ മകുടോദാഹരണമാണ്. മാലിന്യം വമിക്കുന്ന ഓടകളുടെ സാമീപ്യത്താൽ ദുരിതം പേറുന്ന ഒരു ജനതക്ക് ഇന്ന് ചെറിയ വാഹനങ്ങളിൽ യാത്ര പോകാം. മലയോര ഹൈവേ പ്രവർത്തനത്തിൻ്റെ ഭാഗമായി എടക്കര പട്ടണത്തിലെ ഡ്രൈനേജുകൾ പൊളിച്ചുനീക്കി സ്ലാബുകൾ കൂട്ടിയിട്ടിരിക്കുന്നു. മനസിൽ പൊന്തി വന്ന ആശയം അന്നത്തെ പഞ്ചായത്ത് സെക്രട്ടറി പിബി ഷാജുവുമായി പങ്കുവച്ചു. വൈകിയില്ല. പദ്ധതി തയ്യാറായി. ദുർഗന്ധം വമിക്കുന്ന ഓടക്ക് മുകളിൽ ടൗണിൽ കൂട്ടിയിട്ട സ്ലാബുകൾ നിരന്നു. കാൽനട മാത്രം സാധ്യമായ വഴി റോഡായി. ഇതൊരറ്റപെട്ട വികസന പ്രവർത്തനമായിരുന്നില്ല. സ്ക്കൂൾ കുന്ന് റോഡിലും സമാന പ്രവർത്തനം നടത്തി.റോഡിൻ്റെ ഇരുവശങ്ങളിലുമുള്ള നടപ്പാത കോൺക്രീറ്റ് പ്രവൃത്തി നടത്തി വീതി കൂട്ടി. ഇത് വിദ്യാർത്ഥികൾക്കും രക്ഷിതാക്കൾക്കും അനുഗ്രഹമായി.
ജനക്ഷേമ പ്രവർത്തനങ്ങൾക്ക് സമയം ചെലവഴിച്ചത് ഒട്ടനവധി വൃദ്ധജനങ്ങൾക്ക് കരുതലേകി. എൺപത്തഞ്ചുകാരിയായ വെള്ളാരംകുന്ന് ചാലിപറമ്പൻ ഉണ്ണിപാത്തുമ്മ അനുഗ്രഹം ചൊരിഞ്ഞിങ്ങനെ പറഞ്ഞു. " ൻ്റെ പെൻഷൻ ൻ്റെ പുരേല് എത്തിച്ചു നൽകിയത് ൻ്റെ കുട്ട്യാ. തലയിൽ കയ് വച്ച് അവർ ഇങ്ങിനെ മന്ത്രിച്ചു.... "ഇഞ്ച് ജെയ്ക്കും ". ഇത് ഒരു ഉണ്ണിപാത്തുമ്മയെന്ന വല്ല്യുമ്മയുടെ മാത്രം വാക്കല്ല, പ്രളയത്തിൽ വീട് തകർന്ന് വീടായ പൂച്ചേങ്ങൽ കുഞ്ഞിമ്മ(65), പ്രശസ്ത വന്യ ജീവി ഫോട്ടോഗ്രാഫറും എടക്കരയിലെ വ്യാപാരിയുമായ കെ എൻ രാമൻ തുടങ്ങി നിരവധി പേർ ഇതേ അഭിപ്രായം പങ്കുവക്കുന്നു.
യുവജനപ്രസ്ഥാനത്തിലൂടെ സാമൂഹ്യ രംഗത്തും പൊതുമണ്ഡലത്തിലും കഴിവു തെളിയിച്ച സന്തോഷ് കപ്രാട്ടിൻ്റെ സേവനം ഒരു വാർഡിൽ മാത്രം ഒതുങ്ങി നിൽക്കേണ്ടതല്ലെന്ന കെ എൻ രാമൻ്റെ അഭിപ്രായം തന്നെയാണ് പൊതുവെയുള്ള ജന വികാരം. എടക്കരയിൽ ഇത്തവണ എൽ ഡി എഫ് വിജയ തീരമണയും എന്നാണ് സ്ഥാനാർത്ഥിയുടെ പ്രതീക്ഷ. തൻ്റെ വിജയവും പഞ്ചായത്തിൻ്റെ വിജയവും ഒത്തുവന്നാൽ വാർഡിൻ്റെ സമഗ്ര വികസനത്തിന് ഗ്രാമസഭക്കപ്പുറം ജനാഭിപ്രായം തേടുമെന്ന് സന്തോഷ് കപ്രാട്ട് പറയുന്നു.മുൻ വാർഡായ എടക്കര ടൗണിൽ പ്രായം ചെന്ന ഒട്ടനവധി ആളുകൾക്ക് സാമൂഹിക പെൻഷൻ ശരിയാക്കി നൽകിയപ്പോൾ അവരുടെ ദീനമായ കണ്ണുകളിൽ കത്തി പടർന്ന തിളക്കമാണ് തൻ്റെ മനസിനെ ഏറ്റവും സംതൃപ്തനാക്കിയതെന്നും സ്ഥാനാർത്ഥി.അരിവാൾ ചുറ്റിക നക്ഷത്രം ആണ് തെരഞ്ഞെടുപ്പ് ചിഹ്നം. വിജയിപ്പിക്കുന്ന പക്ഷം മുൻകാലങ്ങളിലെന്നപോലെ അരികുചേർന്ന് കൂടെയുണ്ടാകും എന്ന ഒരൊറ്റ വാക്കാണ് തൻ്റെ തെരഞ്ഞെടുപ്പ് വാഗ്ദാനമെന്നും സന്തോഷ് കപ്രാട്ട്.