query_builder Mon Nov 30 2020 5:52 PM
visibility 85
പരിക്ക് അവഗണിച്ച് എം.പി. രമ്യ ഹരിദാസ് യു.ഡി.എഫ് സ്ഥാനാർത്ഥികൾക്ക്
വേണ്ടി വോട്ടു ചോദിക്കാനിറങ്ങുന്നു
ചേലക്കര :ആലത്തൂർ പാർലമെന്റ് മണ്ഡലത്തിൽ വരുന്ന ത്രിതല പഞ്ചായത്തുകളിലേക്ക് യു. ഡി. എഫ് സ്ഥാനാർഥികളായി മത്സരിക്കുന്നവർക്ക് വോട്ട് രേഖപ്പെടുത്തണമെന്ന് അഭ്യർത്ഥിച്ച് ആലത്തൂർ എം. പി. രമ്യ ഹരിദാസ് പര്യടനം നടത്തുന്നു. പര്യടനം ഡിസംബർ ഒന്നിന് ചിറ്റൂർ അസംബ്ലി നിയോജകമണ്ഡലത്തിൽ നിന്ന് ആരംഭിക്കും. രണ്ടിന് ആലത്തൂർ,മൂന്നിന് കുന്നംകുളം, നാലിന് നെന്മാറ, അഞ്ചിന് ചേലക്കര, ഏഴിന് തരൂർ, എട്ടിന് വടക്കാഞ്ചേരി എന്നിങ്ങനെയായിരിക്കും മറ്റ് അസംബ്ലി നിയോജകമണ്ഡലങ്ങളിലെ പര്യടനം.
ചിറ്റൂർ അസംബ്ലി നിയോജകമണ്ഡലത്തിലെ പര്യടനം ചിറ്റൂർ -തത്തമംഗലം നഗരസഭ തിരഞ്ഞെടുപ്പ് കൺവെൻഷൻ ഡിസംബർ ഒന്നിന് രാവിലെ 9.30 ന് പാലാഴി മണ്ഡപത്തിൽ വെച്ച് ഉത്ഘാടനം ചെയ്തുകൊണ്ട് ആരംഭിക്കും. 10.30ന് പട്ടഞ്ചേരി -പെരുമാട്ടി പഞ്ചായത്തുകളുടെ സംയുക്ത കൺവെൻഷൻ വണ്ടിത്താവളം എ. എസ് ഓഡിറ്റോറിയത്തിലും 11മണിക്ക് പെരുവെമ്പ് പഞ്ചായത്ത്‌ കൺവെൻഷൻ മംഗല്യ കല്യാണമണ്ഡപത്തിലും നടക്കും. തുടർന്ന് 12 മണിക്ക് പൊൽപ്പു ള്ളി- ബാബു ഓഡിറ്റോറിയം, 3 മണിക്ക് നല്ലേപ്പിള്ളി -എസ്. എ മണ്ഡപം, 4മണിക്ക് വടകരപതി -എസ്. എൽ നഗർ മിൽക്ക് സൊസൈറ്റി, 5 മണിക്ക് എരുത്തേമ്പതി വണ്ണമട മണ്ഡപം 6 മണിക്ക് കൊഴിഞ്ഞമ്പാറ എം ജി. ആർ നഗർ ചള്ളപാതയിലും കൺവെൻഷനുകളിൽ രമ്യ ഹരിദാസ് എം. പി പങ്കെടുത്ത് സംസാരിക്കും.
കാലൊടിഞ്ഞ് ചികിത്സയിലാണെങ്കിലും തന്റെ തിരഞ്ഞെടുപ്പ് വിജയത്തിന് യത്നിച്ച പ്രവർത്തകർ മത്സരിക്കുമ്പോൾ തന്നാൽ കഴിയുന്നത് ചെയ്യുന്നതിന് വേണ്ടിയാണ് നടക്കാൻ അസൗകര്യമുണ്ടെങ്കിലും കൺവെൻഷനുകളിൽ പങ്കെടുക്കുന്നതെന്നും എം. പി പറഞ്ഞു.