query_builder Tue Dec 1 2020 8:40 AM
visibility 963
മുണ്ടക്കയം:മുണ്ടക്കയത്തെ പിടിച്ചുലച്ച് കോവിഡ് പെരുകുന്നു, വലതിനു പിന്നാലെ ഇടതു സ്ഥാനാര്‍ത്ഥിക്കും കോവിഡ്.
മുണ്ടക്കയം പഞ്ചായത്തിലെ നാലാംവാര്‍ഡ് പുത്തന്‍ ചന്തയിലെ ഇടത് സ്ഥാനാര്‍ത്ഥി ജോളി റിജോയ്ക്കാണ് കഴിഞ്ഞ ദിവസം കോവിഡ് പോസിറ്റീവായത്. തെരഞ്ഞെടുപ്പു രംഗം രണ്ടാം ഘട്ടത്തിലേക്കു കടന്നതോടെ സ്ഥാനാര്‍ത്ഥിക്കു കോവിഡ് പിടികൂടിയത് പ്രവര്‍ത്തനത്തെ ബാധിക്കാതിരിക്കാന്‍ ഇടത് പ്രവര്‍ത്തകര്‍ സജീവമായി രംഗത്തിറങ്ങി. സ്ഥാനാര്‍ത്ഥിയുമായി സമ്പര്‍ക്കമുളള മറ്റു ഏഴുപേര്‍ ക്വാറണ്ടിനില്‍ പോയി. ഇവിടത്തെ എതിര്‍സ്ഥാനാര്‍ത്ഥി കോണ്‍ഗ്രസിലെ ഷീബാദിഫായിനു കഴിഞ്ഞമാസം കോവിഡ് പിടികൂടി ചികില്‍സയിലായിരുന്നു. പത്രിക സമര്‍പ്പണത്തിനു തൊട്ടു മുമ്പാണ് രോഗം ഭേദമായി പുറത്തിറങ്ങിയിരിക്കുന്നത്.കൂടാതെ പുലിക്കുന്നു പട്ടിക വര്‍ഗ്ഗ സംവരണ വാര്‍ഡിലെ കോണ്‍ഗ്രസ് സ്ഥാനാര്‍ത്ഥിക്കും കഴിഞ്ഞ ദിവസം രോഗം പിടികൂടി ചികില്‍സയില്‍ പോയിരുന്നു.
തിങ്കളാഴ്ച മുണ്ടക്കയം പഞ്ചായത്തില്‍ മാത്രം 21 പേര്‍ക്ക് രോഗം സ്ഥിരികരിച്ചിരുന്നു. കഴിഞ്ഞ ദിവസങ്ങളിലെല്ലാം നിരവധി പേരില്‍ രോഗം പിടികൂടിയിരുന്നു. ചൊവ്വാഴ്ച മുണ്ടക്കയത്ത് പത്തുപേര്‍ക്ക് കോവിഡ് പോസിറ്റീവായിട്ടുണ്ട്. രോഗം പടര്‍ന്നതോടെ മേഖലയില്‍ ജനങ്ങള്‍ക്കൊപ്പം രാഷ്ട്രിയപാര്‍ട്ടികള്‍ക്കും ആശങ്കസൃഷ്ടിക്കുന്നുണ്ട്.