query_builder Tue Dec 1 2020 11:46 AM
visibility 142
തൃശൂർ /എരുമപ്പെട്ടി:വേലൂർ ഗ്രാമ പഞ്ചായത്തിലെ വിവിധ വാർഡുകളിൽ യു.ഡി.എഫ് സ്ഥാനാർത്ഥികൾക്ക്‌ റിബലായി മത്സരിക്കുന്ന അഞ്ച് കോൺഗ്രസ് നേതാക്കളെ പാർട്ടിയിൽ നിന്ന് പുറത്താക്കി. രണ്ടാം വാർഡിൽ കോൺഗ്രസ് മണ്ഡലം പ്രസിഡൻ്റിന് എതിരായി മത്സരിക്കുന്ന പി.എൻ അനിൽ, പതിനൊന്നാം വാർഡിൽ സുഭാഷ് ടി.ജിക്കെതിരെ മത്സരിക്കുന്ന ജോബ് ഒലക്കേങ്കിൽ, വത്സ ജോസ് , അഞ്ചാം വാർഡിൽ പി.പി.രാമചന്ദ്രനെതിരെ മത്സരിക്കുന്ന യൂത്ത് കോൺഗ്രസ് മുൻ മണ്ഡലം പ്രസിഡൻ്റ് നിധീഷ് ചന്ദ്രൻ , വാർഡ് 13 ബാബു പുലിക്കോട്ടിലിനെതിരെ മത്സരിക്കുന്ന കോൺഗ്രസ് മുൻ പഞ്ചായത്ത് മെമ്പർ എൽസി ഔസേപ്പ് എന്നിവരെ പദവികളിൽ നിന്ന് നീക്കുകയും പാർട്ടിയിൽ നിന്ന് പുറത്താക്കിയതായും ഡിസിസി പ്രസിഡന്റ് എം.പി വിൻസെന്റ് അറിയിച്ചു.