query_builder Tue Dec 1 2020 12:01 PM
visibility 127
എഫ്സി ഗോവയ്ക്കെതിരായ മത്സരത്തില്‍ നോര്‍ത്ത് ഈസ്റ്റ് യുണൈറ്റഡിനെ നയിച്ച വെറും ഇരുപതുകാരനായ അപുയ റാൾട്ടെ ഹീറോ ഓഫ് ദി മാച്ച് പുരസ്‌കാരവുമായാണ് മടങ്ങിയത്. ഒപ്പം ഐ എസ് എല്ലിലെ ഏറ്റവും പ്രായം കുറഞ്ഞ ക്യാപ്റ്റനെന്ന നേട്ടവും റാള്‍ട്ടെ സ്വന്തമാക്കി. മത്സരശേഷം റാള്‍ട്ടെയെ ക്യാപ്റ്റനാക്കിയ തീരുമാനത്തെക്കുറിച്ചും താരത്തിന്റെ പ്രകടനത്തെ കുറിച്ചും വിശദീകരിച്ച് നോര്‍ത്തീസ്റ്റ് പരിശീലകന്‍ ജെറാര്‍ഡ് നൂസ്. ഞാൻ ഇതിനകം റാൾട്ടെയെ ക്കുറിച്ച് നിരവധി തവണ പുകഴ്ത്തി പറഞ്ഞിട്ടുണ്ട്, ഏറ്റവും മികച്ച ഇന്ത്യൻ കളിക്കാരിലൊരാൾ ഞങ്ങളോടൊപ്പം ഉണ്ടെന്നത് തന്നെ വലിയ കാര്യമാണ്. ഇന്ത്യ അണ്ടർ 19 ദേശീയ ടീമിന്റെ ഭാഗമായിരുന്ന റാൾട്ടെ എത്രയും വേഗം സീനിയർ ടീമിൽ ഉൾപ്പെടുമെന്ന് എനിക്ക് ഉറപ്പുണ്ട്. മത്സരത്തിൽ ക്യാപ്റ്റൻ‌സി നൽകിയത് അവനിൽ എനിക്ക് പൂർണ്ണ വിശ്വാസമുണ്ടെന്ന് തെളിയിക്കാനാണ്. ടീമിന് ഏറെ ആവശ്യമുള്ള താരമാണ് റാൾട്ടെ, ഞാൻ അവനിൽ വളരെ സന്തുഷ്ടനാണ്.- നൂസ് പറഞ്ഞു