query_builder Thu Dec 3 2020 8:35 AM
visibility 191
കയ്പ്പമംഗലം : കെ.എസ്.എഫ്.ഇയിലെ തിരിമറികൾ അന്വേഷിക്കാൻ വരുന്ന ഉദ്യോഗസ്ഥൻമാരെ തടയണം എന്ന് നിർദ്ദേശം നൽകിയ ധനകാര്യ മന്ത്രി തോമസ് ഐസക്കിനെതിരെ കേസെടുക്കണമെന്ന് മുസ്ലിംലീഗ് ദേശീയ ഓർഗനൈസിങ്ങ് സെക്രട്ടറി ഇ.ടി മുഹമ്മദ് ബഷീർ എം.പി പറഞ്ഞു.
തൃശൂർ ജില്ലാ പഞ്ചായത്ത് കയ്പമംഗലം ഡിവിഷനിലേക്ക് മത്സരിക്കുന്ന യു.ഡി.എഫ് സ്ഥാനാർത്ഥി വാണി പ്രയാഗിൻ്റെ തെരഞ്ഞെടുപ്പ് പര്യടനത്തിൻ്റെ സമാപന സമ്മേളനം പെരിഞ്ഞനം അഞ്ചാം വാർഡിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം.
പെരിഞ്ഞനം മണ്ഡലം യു.ഡി.എഫ് ചെയർമാൻ കെ.ജി സുവർണ്ണൻ അദ്ധ്യക്ഷത വഹിച്ചു. അഡ്വ: എൻ ശംസുദ്ധീൻ എം.എൽ.എ മുഖ്യപ്രഭാഷണം നടത്തി. ചടങ്ങിൽ മുസ്ലിം ലീഗ് സംസ്ഥാന സെക്രട്ടറി സി.എച്ച് റഷീദ്, ഡി.സി.സി സെക്രട്ടറി സി.സി ബാബുരാജ്, മുസ്ലിം ലീഗ് ജില്ലാ സെക്രട്ടറി പി.എ ഷാഹുൽ ഹമീദ്, ജില്ലാ പ്രവർത്തക സമിതി അംഗം കെ.എം ഷാനിർ, മുസ്ലിംലീഗ് കയ്പമംഗലം നിയോജക മണ്ഡലം പ്രസിഡൻ്റ് പി.ബി താജുദ്ധീൻ, ജനറൽ സെക്രട്ടറി പി.കെ ഹംസ, പെരിഞ്ഞനം മണ്ഡലം കോൺഗ്രസ് പ്രസിഡൻ്റ് കെ.വി ചന്ദ്രൻ,
ജില്ലാ പഞ്ചായത്ത് സ്ഥാനാർത്ഥി വാണി പ്രയാഗ്, ബ്ലോക്ക് സ്ഥാനാർത്ഥികളായ കെ.കെ കുട്ടൻ, വി.എസ് ജിനേഷ്, സുമതി ബാബുക്കുട്ടൻ, ഗ്രാമപഞ്ചായത്ത് സ്ഥാനാർത്ഥികളായ കെ.എം നിഷാദ്, സുധാകരൻ മണപ്പാട്ട്, തെരഞ്ഞെടുപ്പ് കമ്മറ്റി ജനറൽ കൺവീനർ പി.കെ അബ്ദുൾ റഹിം , പി.എസ് സജിത്ത് എന്നിവർ സംസാരിച്ചു.