query_builder Thu Dec 3 2020 11:38 AM
visibility 190
കൊടുങ്ങല്ലൂർ : തെരഞ്ഞെടുപ്പ് വിളിപ്പാടകലെ വന്നു നിൽക്കുമ്പോൾ എറിയാട് പഞ്ചായത്ത് പഴയ വനിതാ ബൂത്തിൻ്റെ ഓർമ്മകൾ അയവിറക്കുന്നു. ഒരു കാലത്ത്
എറിയാടിൻ്റെ മാത്രം സവിശേഷതയായിരുന്നു വനിതാ സംവരണ പോളിങ് ബൂത്തുകൾ. കഴിഞ്ഞ തദ്ദേശ തെരഞ്ഞെടുപ്പ് മുതൽ
വനിതാ ബൂത്ത് സമ്പ്രദായം ഒഴിവാക്കി. ആദ്യകാല തെരഞ്ഞെടുപ്പുകളിൽ സ്ത്രീകളെ പോളിംഗ് ബൂത്തിലേക്ക് ആകർഷിക്കുന്നതിനു വേണ്ടിയാണ് അവർക്ക് മാത്രമായി സംവിധാനം ഏർപ്പെടുത്തിയത്. കൊച്ചി നിയമസഭ കൗൺസിലിന്റെ തീരുമാനപ്രകാരമാണ് മുസ്ലിം ഭൂരിപക്ഷ പ്രദേശമായ എറിയാട്ട് സംവരണ പോളിങ് ബൂത്തുകൾ ഏർപ്പെടുത്തിയത്. 1948ൽ കൊച്ചി നിയമസഭയിലേക്ക് നടന്ന തെരഞ്ഞെടുപ്പ് മുതലാണ് എറിയാട് പഞ്ചായത്തിൽ പ്രത്യേക ബൂത്ത് സംവിധാനം നിലവിൽവന്നത്. 1952ൽ ആദ്യത്തെ ലോക്സഭ തെരഞ്ഞെടുപ്പിലും 1956ൽ എക്യകേരളം നിലവിൽ വന്നശേഷം നടന്ന നിയമസഭ തെരഞ്ഞെടുപ്പിലും ഇം സംവിധാനം തുടർന്നു പിന്നീടത് പതിവായി. കാലം മാറിയെങ്കിലും വനിതാ ബൂത്ത് സമ്പ്രദായം തുടർന്നു പോന്നിരുന്നു. കഴിഞ്ഞ ത്രിതല പഞ്ചായത്ത് തെരഞ്ഞെടുപ്പോലെ വനിതാ ബൂത്ത് ചരിത്രമായി.