query_builder Thu Dec 3 2020 11:43 AM
visibility 186
വികസനവും അടിസ്ഥാന സൗകര്യങ്ങളുമില്ലാതെ വട്ടപ്പാറ ഗ്രാമം
യാത്ര സൗകര്യമില്ലാത്ത വട്ടപ്പാറ - വക്കൻപടി റോഡ്
പാലക്കയം: തച്ചമ്പാറ എട്ടാം വാർഡ് ചീനിക്കപ്പാറ വട്ടപ്പാറയിലെ നിവാസികളാണ് യാത്ര സൗകര്യം പോലും എത്താത്തതിൽ പ്രതിഷേധിക്കുന്നത് . അതോടൊപ്പം കാട്ടുമൃഗങ്ങളുടെ ശല്യവും രൂക്ഷം, പരാതി പറഞ്ഞിട്ടും പരിഹാരമുണ്ടായില്ലെന്ന് നാട്ടുകാർ പറയുന്നു. നൂറോളം ഓട്ടർമാരടങ്ങുന്ന മുപ്പതോളം കുടുംബങ്ങളുമാണ് പ്രതിഷേധത്തിലുള്ളത്. കഴിഞ്ഞ യുഡിഎഫ് സർക്കാർ നാലുകോടി രൂപയോളം ഫണ്ട് വകയിരുത്തി കുണ്ടംപൊട്ടി - വട്ടപ്പാറ - വക്കൻപടി റോഡ് പണി തുടങ്ങിയെങ്കിലും ജനവാസമേഖലയിൽ എത്തിയില്ല. പിനീട് കെ വി. വിജയദാസ് എംഎൽഎ ഫണ്ട് 90 ലക്ഷം വകയിരുത്തി ഉദ്‌ഘാടനം നടന്നെങ്കിലും നിർമ്മാണം നടന്നില്ല. റോഡ് പണി തുടങ്ങാതെ പാലം നിർമ്മാണം തുടങ്ങിയെങ്കിലും , നാട്ടുകാരുടെ പ്രതിഷേധത്തിൽ നിർത്തിവെക്കുകയായിരുന്നു. വട്ടപ്പാറ- വക്കൻപടി റോഡ് ഗതാഗത യോഗ്യ മാക്കുന്നതുവരെ ശക്തമായ പ്രതിഷേധവുമായി മുന്നോട്ടുപോകുമെന്ന് ആക്ഷൻ കമ്മിറ്റി ഭാരവാഹികളായ സജിമോൻ മൂലമ്പുറം, ജോണി പള്ളിക്കുന്നേൽ,വേണു പതിക്കൽ പുത്തൻപുര,ഷിബു കല്ലടിക്കൽ, പ്രദീഷ് പുല്ലിൽ എന്നിവർ പറഞ്ഞു.
യാത്ര സൗകര്യമില്ലാത്ത വട്ടപ്പാറ - വക്കൻപടി റോഡ്