query_builder Thu Dec 3 2020 4:22 PM
visibility 191
നെടുങ്കണ്ടം. ജനം വെറുക്കപ്പെട്ട ചിഹ്നമായി അരിവാൾ ചുറ്റിക നക്ഷത്രം മാറിയെന്ന് ഡിസിസി പ്രസിഡന്റ് ഇബ്രാഹിംകുട്ടി കല്ലാർ. ജില്ലയിലെ രണ്ട് നഗരസഭകൾ ഉൾപ്പടെ വിവിധ മേഖലകളിൽ സിപിഎം, ഡിവൈഎഫ്ഐ നേതാക്കൾ ഉൾപ്പടെ സ്വന്തം ചിഹ്നം ഉപേക്ഷിച് പോയിരിക്കുന്നത് പരാജയ ഭീതിമൂലമാണ് ഇതു സംബന്ധിച്
സിപിഎം ജില്ല നേതൃത്വത്തിന് എന്താണ് പറയാനുള്ളതെന്ന് പത്ര സമ്മേളനത്തിൽ അദ്ദേഹം ചോദിച്ചു. ത്രിതല പഞ്ചായത്ത് തെരഞ്ഞെടുപ്പിൽ ലോക്സഭ തെരഞ്ഞെടുപ്പിനെക്കാൾ തിളക്കമാർന്ന വിജയം യുഡിഎഫ് നേടും കോവിഡ് കാലത്തുപോലും കോടികളുടെ അഴിമതി നടത്തിയ സർക്കാർ ഇടുക്കി ജില്ലയുടെ ഓരോ പ്രശ്നങ്ങളിലും ഇരട്ടത്താപ്പ് നിലപാടാണ് സ്വീകരിച്ചത്. പെട്ടിമുടി ദുരിതത്തിലും, കരിപ്പൂർ അപകടത്തിലും രണ്ട് നയമാണ് നടപ്പിലാക്കിയത്. 6000 കോടിയുടെ പാക്കേജ്‌ പ്രഖ്യാപനത്തിൽ മാത്രം നിർത്തി ഇടുക്കിയെ അവഹേളിച്ചു. പ്രളയത്തിൽ എല്ലാം തകർന്നവർക്ക് മുമ്പിൽ ജപ്തിയുമായി ഇറങ്ങിയതിനാലാണ് 15 ഓളം കർഷക ആത്മഹത്യ ഉണ്ടായതെന്നും
കല്ലാർ പറഞ്ഞു. ഉമ്മൻചാണ്ടി സർക്കാർ അനുവദിച്ച മെഡിക്കൽ കോളേജ് ഇപ്പോഴും പ്രവർത്തിപ്പിക്കാൻ കഴിഞ്ഞില്ലെ, ഭൂ വിഷയങളിൽ അടക്കം ഇടുക്കിയോട് കാണിക്കുന്ന അവഗണനക്കെതിരെയുള്ള വിധിയെഴുത്താകും ഈ തെരഞ്ഞെടുപ്പ് എന്നും അദ്ദേഹം പറഞ്ഞു.