query_builder Thu Dec 3 2020 4:55 PM
visibility 190
ഗുരുവായൂർ:കൂനംമൂച്ചി സെന്റ് ഫ്രാന്‍സിസ് സേവ്യേഴ്‌സ് ഇടവകയില്‍ ഇടവക മദ്ധ്യസ്ഥനായ ഫ്രാന്‍സിസ് സേവ്യറിന്റെ തിരുന്നാളിന് കൊടിയേറി.ഡിസംബര്‍ 6ന് ആഘോഷിക്കുന്ന തിരുന്നാളിന് തുടക്കം കുറിച്ചു കൊണ്ട് ഇന്ന് വികാരി ഫാ.ഫ്രാന്‍സിസ് മുട്ടത്ത് കൊടിയേറ്റം നിര്‍വ്വഹിച്ചു.തുടര്‍ന്ന് ലദീഞ്ഞ്,ദിവ്യബലി,നൊവേന എന്നിവ നടന്നു. ലദീഞ്ഞിനും, കുര്‍ബ്ബാനയ്ക്കും, നൊവേനയ്ക്കും ശേഷം കൂനംമൂച്ചി സെന്റിലുള്ള കപ്പേളയില്‍ ലദീഞ്ഞും, നൊവേനയുയുമുണ്ടായി.തിരുന്നാള്‍ ദിവസമായ ഞായറാഴ്ച്ച രാവിലെ 6.30 ന് ദിവ്യബലിയും,തുടര്‍ന്ന് സന്ദേശവും ലദിഞ്ഞും നടക്കും.രാവിലെ 10.30 നും, ഉച്ചതിരിഞ്ഞ് 4.30 നും ലദീഞ്ഞും, കുര്‍ബ്ബാനയും സന്ദേശവുമുണ്ടാകും.വൈകീട്ട് 7 ന് കൂനംമൂച്ചി സെന്ററിലുള്ള വിശുദ്ധ ഫ്രാന്‍സിസ് സേവ്യറിന്റെ കപ്പേളയില്‍ ലദീഞ്ഞും നൊവേനയും നടക്കും.തിരുന്നാള്‍ ദിവസത്തെ ദിവ്യബലിയില്‍ ഒരോ കുടുംബ യൂണിറ്റില്‍ നിന്നും 5 പേര്‍ക്കാണ് പങ്കെടുക്കാന്‍ അനുമതി നല്‍കിയിട്ടുള്ളത്.കൊവിഡ് പ്രോട്ടോക്കോള് പാലിച്ചു കൊണ്ടായിരിക്കും തിരുന്നാള്‍ ആഘോഷിക്കുക.തിരുന്നാള്‍ ചടങ്ങുകള്‍ക്ക് വികാരി ഫാ.ഫ്രാന്‍സിസ് മുട്ടത്ത്,കൈക്കാരന്‍മാരായ പി.വി.തോമസ്,ഡിജോ ഡേവിസ്,ബെന്നി,ടി.എഫ്.ഡേവിസ് എന്നിവര്‍ നേതൃത്വം നല്‍കും.