query_builder Sat Dec 5 2020 1:07 AM
visibility 328
കാഞ്ഞിരപ്പളളി: നജ്മി ടീച്ചര്‍ വീണ്ടും മല്‍സരിക്കുകയാണ് , കാരുണ്യത്തിനു മുന്‍ഗണന നല്‍കി.
ജീവ കാരുണ്യ പ്രവര്‍ത്തനത്തില്‍ സജീവമായ കാഞ്ഞിരപ്പളളി ,ശാന്തി നഗര്‍, തലപ്പളളിയില്‍ അബ്ദുല്‍ഖരീമിന്റെ ഭാര്യ നജ്മി ടീച്ചര്‍ ഇക്കുറി നെട്ടോട്ടത്തിലാണ്, വിജയിക്കണം തനിക്ക് വേണ്ടിയല്ല, നാട്ടിലെ പാവപ്പെട്ടവരെ സഹായിക്കാന്‍, കാരുണ്യ രംഗത്ത് സജീവമാകാനുളള ഓട്ടമാണ്. കാഞ്ഞിരപ്പളളി പേട്ടവാര്‍ഡിലെ വെല്‍ഫെയര്‍പാര്‍്ട്ടിയുടെ സ്ഥാനാര്‍ത്ഥിയും കാഞ്ഞിരപ്പളളി നൂറുല്‍ഹൂദ യു.പി.സക്ൂളിലെ അധ്യാപികയുമായ നജ്മി ടീച്ചര്‍ നാടറിയുന്ന ജീവകരുണ്യ പ്രവര്‍ത്തക കൂടിയാണ്.കഴിഞ്ഞ പഞ്ചായത്ത് തെരഞ്ഞെടുപ്പില്‍ തൊട്ടടുത്ത വാര്‍ഡില്‍ വെറും 4 വോട്ടിന്റെ വ്യത്യാസത്തിലാണ് പരാജത്തിന്റെ കയ്പ്പറിഞ്ഞത്.എന്നാല്‍ ഇക്കുറി പൂര്‍ണ്ണ വിശ്വാസത്തോടെയാണ് വോട്ടര്‍മാരെ കാണുന്നതെന്നു നജ്മി സ്വലേ ന്യൂസിനോട് പറഞ്ഞു.
വെല്‍ഫെയര്‍ പര്‍ട്ടിയുടെ സജീവ പ്രവര്‍ത്തകയായ നജ്മി ടീച്ചര്‍ ജീവ കാരുണ്യ രംഗത്ത് സജീവമാണ്. അധ്യാപികയെന്ന നിലയില്‍ സ്വന്തം വിദ്യാര്‍ത്ഥികളുടെ വീട് സന്ദര്‍ശിക്കുന്നതിനിടയിലാണ് കഴിഞ്ഞ വര്‍ഷം നജ്മി തന്റെ രണ്ടു ശിക്ഷ്യരുടെ വേദനിക്കുന്ന കഥ അറിഞ്ഞത്. നിത്യരോഗിയും കൂലിപ്പണിക്കാരുമായ ഇവരുടെ മാതാപിതാക്കളടക്കമുളളവര്‍ താമസിക്കാന്‍ കൂരയില്ലാതെ വിഷമിക്കുന്ന കഥയറിഞ്ഞ ടീച്ചര്‍ കൂട്ടുകാരോടും ബന്ധുമിത്രാതികളോടും വിവരം ധരിപ്പിച്ചു ശേഖരിച്ചത് 1.80ലക്ഷം രൂപ. വീട്ടുകാര്‍ സ്മാഹരിച്ച തുകകൂടി ചേര്‍ത്ത് നാലു ലക്ഷത്തോളം മുടക്കി നിര്‍ധന കുടുംബത്തിനു വീടു വച്ചു നല്‍കിയത് മറക്കാനാവില്ലന്നു നജ്മി ടീച്ചര്‍ പറയുന്നു.ദയപാലിയേറ്റീവ് വോളണ്ടീയര്‍ കൂടിയായ നജ്മി രണ്ടു പ്രളയാനന്തര രംഗത്തും സജീവമായിരുന്നു. കവളപ്പാറയടക്കം സംസ്ഥാനത്തെ വിവിധ പ്രദേശങ്ങളില്‍ സഹായ ഹസ്തവുമായി ടീച്ചര്‍ എത്തിയിരുന്നു.പ്രളയത്തില്‍ വീടും കുടുംബവു നഷ്ടപെട്ട നിരവധി കുടുംബങ്ങള്‍ക്ക ആശ്വാസമേകാനും ഇവര്‍ക്കു കഴിഞ്ഞു. ദയപാലിയേറ്റിവ് കെയറിന്റെ നേതൃത്വത്തില്‍ രോഗികള്‍ക്കു ആശ്വാസമേകാനും നജ്മി ടീച്ചര്‍ റെഡി..ജോലിക്കുപോകുന്നതിനുമുമ്പ് രാവിലെ തന്നെ ടീച്ചര്‍ ഇതിനായി പുറപ്പെടുന്നത് ഏറെ അഭിനന്ദാര്‍ഹമാണന്നു നാട്ടുകാര്‍ പറയുന്നു.21 വര്‍ഷമായി അധ്യാപികയായി ജോലി ചെയ്യുന്ന നജ്മിക്കു വാര്‍ഡില്‍ നിരവധി ശിക്ഷ്യ സമ്പത്തുണ്ട്. അതിനാല്‍ അവരുടെയുംഅവരുടെ കുടുബത്തിന്റെയും വോട്ടു സ്വന്തമാക്കാമെന്നാണ് പ്രതീക്ഷ
കാരുണ്യ പ്രവര്‍ത്തനത്തിലെ മികവാണ് നജ്മിയുടെ സ്ഥാനാര്‍ത്ഥിത്വമെന്നും പാര്‍ട്ടി നേതാക്കളും പറയുന്നു. പരാജയത്തിന്റെ കയ്പ്പില്‍ നിന്നും മധുരമുളള വിജയപ്രതീക്ഷയിലാണ് നജ്മിയും സഹപ്രവര്‍ത്തകരും.
കോണ്‍ഗ്രസിലെ ഷിജ സക്കീറും, സി.പി.എംലെ സനു ഇസ്മായിലുംമാണ് എതിരാളികള്‍