query_builder Sat Dec 5 2020 6:40 AM
visibility 179
ആലപ്പുഴ: ഇക്കുറി കോവിഡ് ബാധിതര്‍ക്ക് വോട്ടുചെയ്യുന്നതിന് പ്രത്യേകസംവിധാനം ഏര്‍പ്പെടുത്തി.ഈ മാസം ഏഴിന് വൈകീട്ട് മൂന്നിനുശേഷം രോഗം സ്ഥിരീകരിച്ചവര്‍ക്ക് പോളിങ് ബൂത്തിലെത്തി വോട്ടുചെയ്യുന്നതിനാണ് സൗകര്യമൊരുക്കിയിട്ടുള്ളത്. വോട്ടെടുപ്പുദിവസം വൈകീട്ട് അഞ്ചിനും ആറിനുമിടയില്‍ എത്തുന്നവര്‍ക്ക് വോട്ട് വിനിയോഗിക്കാനാകും. ആറുവരെ നിലവില്‍ ക്യൂവിലുള്ളവര്‍ക്ക് ടോക്കണ്‍ നല്‍കും. അതിനുശേഷമാണ് കോവിഡ് ബാധിതര്‍ക്ക് അവസരം നല്‍കുന്നത്.
ഈ സമയം പി.പി.ഇ കിറ്റ് ധരിച്ചിരിക്കണം. മെഡിക്കല്‍ ഓഫിസറുടെ സര്‍ട്ടിഫിക്കറ്റ് നിര്‍ബന്ധമാണ്. ഇതിന് പ്രത്യേകവാഹനവും ഏര്‍പ്പെടുത്തിയിട്ടുണ്ട്. ചികിത്സയുടെ ഭാഗമായി കോവിഡ് ഫസ്റ്റ്ലൈന്‍ ട്രീറ്റ്മെന്‍റ് സെന്‍ററില്‍ താമസിക്കുന്നവര്‍ക്കും അവരുടെ ബൂത്തിലെത്തി വോട്ടുചെയ്യാന്‍ കഴിയും.
പോളിങ് ഉദ്യോഗസ്ഥരും ഏജന്‍റുമാരും ഫേസ് ഷീല്‍ഡ്, മാസ്ക്, സാനിനൈറ്റര്‍, കൈയുറ എന്നിവ ഉപയോഗിക്കണം.