query_builder Sat Dec 5 2020 7:08 AM
visibility 273
തൃക്കരിപ്പൂർ: ഉമ്മൻചാണ്ടിയുടെ പൊതുയോഗത്തിനെതിരെ പോലീസ് കേസ്. വെളളിയാഴ്ച രാത്രി എട്ടിന് തൃക്കരിപ്പൂർ കാരോളം വൾവക്കാട് സി എച്ച് സെൻ്ററിന് സമീപം
നടന്ന ജില്ലാ പഞ്ചായത്ത് പിലിക്കോട് ഡിവിഷൻ
യുഡിഎഫ് സംഗമം ഉമ്മൻ ചാണ്ടി ഉദ്ഘാടനം ചെയ്തിരുന്നു. കോവിഡ് മാനദണ്ഡം പാലിച്ചില്ലെന്ന് കാട്ടിയാണ് ഈ പൊതുയോഗം സംഘടിപ്പിച്ചതിന് ജില്ലാ പഞ്ചായത്ത് പിലിക്കോട് ഡിവിഷൻ യുഡിഎഫ് കൺവീനറും ഡിസിസി വൈസ് പ്രസിഡന്റുമായ അഡ്വ.കെ.കെ. രാജേന്ദ്രനെതിരെ പോലീസ് കേസുടുത്തത്. കൂടുതൽ ജനങ്ങൾ പങ്കെടുത്തുവെന്നും അതുവഴി മാനദണ്ഡം ലംഘിച്ചുവെന്നുമാണ് പോലീസ് പറയുന്നത്.
അതേ സമയം കോവിഡ് മാനദണ്ഡങ്ങൾ പാലിച്ച് മുൻ മുഖ്യമന്ത്രി ഉമ്മൻ ചാണ്ടിയുടെ പൊതുയോഗം സംഘടിപ്പിച്ചതിന് കേസെടുത്ത സംഭവത്തിൽ യുഡിഎഫ് നേതാക്കൾ പ്രതിഷേധിച്ചു. ഭരണത്തിന്റെ ഹുങ്കിൽ രാഷ്ട്രീയ പ്രേരിതമായി നടത്തുന്ന ഇത്തരം നടപടിക്കെതിരെ വോട്ടർമാർ തിരഞ്ഞെടുപ്പിലൂടെ മറുപടി പറയുമെന്ന് യുഡിഎഫ് നേതാക്കൾ പറഞ്ഞു.