query_builder Sat Dec 5 2020 12:25 PM
visibility 179
നിയമസഭാ സാമാജികത്വത്തിന്റെ അമ്പത് വര്‍ഷം പൂര്‍ത്തിയാക്കിയ മുന്‍ മുഖ്യമന്ത്രി ഉമ്മന്‍ ചാണ്ടിക്ക് ജവഹര്‍ ബാല്‍ മഞ്ച് ജില്ലാ കമ്മിറ്റിയുടെ സ്‌നേഹാദരം.
പെരിയയില്‍ നടന്ന ആദര ചടങ്ങില്‍ ജില്ലാ ചെയര്‍മാന്‍ രാജേഷ് പള്ളിക്കര ഉമ്മന്‍ ചാണ്ടിയുടെ ഛായ ചിത്രം നല്‍കി. ചടങ്ങില്‍ രാജ്‌മോഹന്‍ ഉണ്ണിത്താന്‍ എം.പി, ഡി സി സി പ്രസിഡന്റ് ഹക്കീം കുന്നില്‍, യുഡിഎഫ് കണ്‍വീനര്‍ എ. ഗോവിന്ദന്‍ നായര്‍, കെ പി സി സി നിര്‍വ്വഹക സമിതി അംഗം അഡ്വ.എ.ഗോവിന്ദന്‍ നായര്‍, ജവഹര്‍ ബാല്‍ മഞ്ച് സംസ്ഥാന കോഡിനേറ്റര്‍ വി.വി.നിഷാന്ത്, ഡിസിസി ജനറല്‍ സെക്രട്ടറിമാരായ ധന്യ സുരേഷ്, എം.സി. പ്രഭാകരന്‍, ജവഹര്‍ ബാല്‍ മഞ്ച് ബ്ലോക്ക് ചെയര്‍മാന്‍ എം.ആര്‍. ജതീഷ്, കെ. ഗണേശന്‍ എന്നിവര്‍ സംബന്ധിച്ചു. ചിത്രകാരനും കോണ്‍ഗ്രസ് പ്രവര്‍ത്തകനുമായ എന്‍.എ.രതീഷാണ് ഉമ്മന്‍ ചാണ്ടിയുടെ ഡിജിറ്റല്‍ ഓയില്‍ പെന്റിംഗില്‍ ഛായ ചിത്രം തയ്യാറാക്കിയത്.