query_builder Tue Dec 1 2020 2:27 PM
visibility 164
കേരള - തമിഴ്നാട് അതിർത്തിയായ കുമളിയിലും പരിസര പ്രദേശങ്ങളിലും ശക്തമായ കാറ്റിനും മഴയ്ക്കും സാധ്യതയുള്ളതിനാൽ ജനങ്ങൾ ജാഗരൂഗരായിരിക്കണം എന്ന നിർദ്ദേശമാണ് കേന്ദ്ര കാലാവസ്ഥ നിരീക്ഷണ കേന്ദ്രം പുറപ്പെടുവിച്ചിരിക്കുന്നത്. ഇതിൻ്റെ ഭാഗമായി ഡിസംബർ 2 ന് ജില്ലയിൽ റെഡ് അലേർട്ടും പ്രഖ്യാപിച്ചു. മുന്നറിയിപ്പ് നൽകിയിട്ടുള്ള മേഖലകളിൽ ശക്തമായ മഴ ലഭിക്കുകയാണെങ്കിൽ ഉരുൾപൊട്ടൽ, മണ്ണിടിച്ചിൽ, വെള്ളപൊക്കം തുടങ്ങിയ പ്രകൃതി ദുരന്തങ്ങൾക്കുള്ള സാധ്യത മുൻനിർത്തി ജില്ലാ ദുരന്ത നിവാരണ അതോറിറ്റിയുടെ നിർദ്ദേശങ്ങൾക്ക് വിരുദ്ധമാകാത്ത രീതിയിൽ ഓറഞ്ച് ബുക്ക് 2020 അടിസ്ഥാനമാക്കിയുള്ള നിർദ്ദേശങ്ങൾ നൽകണമെന്ന് പഞ്ചായത്ത് സെക്രട്ടറിമാർക്ക് കളക്ടർ നിർദ്ദേശം നൽകി. അപകടാവസ്ഥയിലുള്ള മരങ്ങൾ കോതി ഒതുക്കുക, പോസ്റ്റുകളുടെ സുരക്ഷിതത്വം ഉറപ്പാക്കണം എന്നും, 24 മണിക്കൂറും പ്രവർത്തിക്കണം എന്ന നിർദ്ദേശവും നൽകി. പുതിയ വിവരം അനുസരിച്ച് ഇടുക്കിയിൽ കുമളി പഞ്ചായത്താണ് ഏറ്റവും കൂടുതൽ ദുരന്ത സാധ്യത നിലനിൽക്കുന്ന സ്ഥലം. ജനങ്ങളെ മാറ്റിപാർപ്പിക്കണ്ടിയ സാഹചര്യം ഉണ്ടായാൽ പഴയ പെരിയാർ ആശുപത്രി, ഹോളിഡേ ഹോം തുടങ്ങിയവ സജ്ജീകരിച്ചതായും പഞ്ചായത്ത് സെക്രട്ടറി വ്യക്തമാക്കി.