query_builder Wed Dec 2 2020 2:24 AM
visibility 169
കൈയ്ക്ക് പൊട്ടലേറ്റ കുട്ടി ആശുപത്രിയിൽ ചികിത്സ തേടി. പ്രതിയെ പോലീസ് പിടികൂടി. ചക്കുപള്ളം കുങ്കിരിപ്പെട്ടി സ്വദേശി അനീഷ് തോമസ്(38) പിടിയിലായത്. ചൊവ്വാഴ്ചയാണ് കേസിനാസ്പദമായ സംഭവം. അനീഷിൽ നിന്നും അകന്ന് കഴിഞ്ഞിരുന്ന ഭാര്യയും മക്കളും ചൊവ്വാഴ്ച റോഡിലൂടെ നടന്നുപോകുന്നതിനിടെ വഴിയിൽ വച്ച് ഇയാൾ ഭാര്യയുമായി വാക്കേറ്റത്തിലേർപ്പെട്ടു. അനീഷ് ഇവരെ മർദിക്കാൻ തുടങ്ങിയതോടെ മകൻ തടയാന് ശ്രമിച്ചു. ഇതിൽ പ്രകോപിതനായ ഇയാൾ കുട്ടിയെ മർദിച്ച്, തള്ളി മാറ്റുന്നതിനിടെ വീണ് കുട്ടിയുടെ കൈയ്ക്ക് പരിക്കേൽക്കുകയായിരുന്നു. നാട്ടുകാരുടെ പരാതിയിൽ കുമളി പോലീസ് ഇയാളെ പിടികൂടി. എസ്.ഐ. പ്രശാന്ത് പി. നായരുടെ നേതൃത്വത്തലുള്ള സംഘമാണ് ഇയാളെ പിടികൂടിയത്. പ്രതിയെ ഇന്ന് കോടതിയിൽ ഹാജരാക്കും.