query_builder Wed Dec 2 2020 2:20 PM
visibility 190
കോഴിക്കോട്:
അന്താരാഷ്ട്ര ഭിന്നശേഷി ദിനത്തിന്റെ (ഡിസംബര്‍ 3) ഭാഗമായി
ഊര്‍ജ 2k20 എന്ന പേരില്‍ ഭിന്നശേഷിക്കാരായവരുടെ രക്ഷിതാക്കളുടെ സംഘടനയായ ഇന്‍കൂസിവ് പേരന്റ്‌സ്അസോസിയേഷന്‍ (IPA) ഡിസംബര്‍ 3 മുതല്‍ 15 വരെ മത്സരാഘോഷം സംഘടിപ്പിക്കുന്നു. കേരളത്തിലെ ഏതുപ്രായത്തിലുമുള്ള എല്ലാ വിഭാഗം ഭിന്നശേഷിക്കാര്‍ക്കും പങ്കെടുക്കാന്‍ കഴിയുന്നതരത്തില്‍ നാല് കാറ്റഗറികളിലായാണ് മത്സാരാഘോഷം സംഘടിപ്പിച്ചിരിക്കുന്നത്. 8 വയസ്സ് വരെയുള്ള കുട്ടികള്‍ക്കായി പുഞ്ചിരി മത്സരം 9 മുതല്‍ 15 വരെ ഫാഷന്‍ഷോ, 16 മുതല്‍ 21 വരെ ക്രാഫ്റ്റ് വര്‍ക്ക് , 22 മുതല്‍
മുകളിലേക്ക് ഏത് പ്രായക്കാര്‍ക്കും അവരുടെ കഴിവുകള്‍ പ്രകടമാക്കുന്നതരത്തില്‍ 3 മിനിറ്റ് ദൈര്‍ഘ്യമുള്ള വീഡിയോ തയ്യാറാക്കി നല്‍കാം. എല്ലാ കാറ്റഗറിക്കും ആകര്‍ഷകമായ സമ്മാനതുക നല്‍കും.
ലോക്ക് ഡൗണ്‍ കാലയളവ് മുതല്‍ ഭിന്നശേഷിക്കാര്‍ക്ക് ഉപകാരപ്പെടുന്ന ഒട്ടനവധി ഓണ്‍ലൈന്‍ ക്ലാസുകളും പ്രോഗ്രാമുകളും സംഘടിപ്പിക്കുന്നതില്‍ ഈ കൂട്ടായ്മ പ്രത്യേകം ശ്രദ്ധിച്ചിരുന്നതായി സംസ്ഥാന സെക്രട്ടറി അനില്‍കുമാര്‍ നടക്കാവ് അറിയിച്ചു. പ്രോഗ്രാമുമായി ബന്ധപ്പെട്ട കൂടുതല്‍ വിവരങ്ങള്‍ക്ക് കോര്‍ഡിനേറ്ററുമായി ബന്ധപ്പെടാം. ഫോണ്‍: 9496834795