query_builder Wed Dec 2 2020 2:45 PM
visibility 186
ഇന്ത്യന്‍ സൂപ്പര്‍ ലീഗില്‍ ഈ സീസണിൽ അരങ്ങേറിയ ഈസ്റ്റ് ബംഗാളിന് വളരെ മോശം തുടക്കമാണ് ലഭിച്ചിരിക്കുന്നത്. ആദ്യം നടന്ന കൊല്‍ക്കത്ത ഡെര്‍ബിയില്‍ എ.ടി.കെ.മോഹന്‍ ബഗാനോട് തോറ്റ ഈസ്റ്റ് ബംഗാള്‍ ഇന്നലെ മുംബൈയോടും കനത്ത തോല്‍വി ഏറ്റുവാങ്ങി . എന്നാൽ പരാജയത്തിന്റെ കുറ്റം ഇന്ത്യൻ താരങ്ങളുടെ മേലാണ് ഈസ്റ്റ് ബംഗാൾ പരിശീലകൻ റോബി ഫൗളർ ചുമത്തിയത് . ചില ഇന്ത്യൻ താരങ്ങളുടെ പ്രകടനം പരിതാപകരമാണെന്ന് പറഞ്ഞ റോബി ഫൗളർ, ഇന്ത്യൻ താരങ്ങൾക്ക് അവരുടെ കരിയറിൽ ഫുട്ബോൾ പരിശീലനം തന്നെ കിട്ടിയിട്ടില്ല എന്ന് തോന്നുന്നു എന്നും പറഞ്ഞു .
രണ്ട് വമ്പന്‍ ടീമുകള്‍ക്കെതിരെയാണ് ഞങ്ങള്‍ കളിച്ചത്. നമ്മുടെ ഒരു ചെറിയ പിഴവ് പോലും അവര്‍ മുതലാക്കും. ആ പിഴവുകളില്‍ നിന്ന് പഠിക്കാനേറെയുണ്ട് . ഇതിനായി പരിശീലനഗ്രൗണ്ടില്‍ കൂടുതല്‍ സമയം ചെലവഴിക്കേണ്ടിവരും. ഇന്ത്യന്‍ താരങ്ങളുടെ പ്രകടനം കൂടുതല്‍ മെച്ചപ്പെടുത്താനുള്ള ശ്രമത്തിലാണ് ഞങ്ങള്‍. അതിന് താരങ്ങള്‍ക്ക് മികച്ച പരിശീലനം ലഭ്യമാക്കണം. കരിയറിൽ ഇവർക്ക് ഫുട്ബോൾ പരിശീലനം തന്നെ കിട്ടിയിട്ടില്ല എന്ന് തോന്നുന്നു. ഇവരെ പരിശീലിപ്പിച്ച് മെച്ചപ്പെടുത്താൻ ആണ് താൻ നോക്കുന്നതെന്നും ഫൗളർ പറഞ്ഞു