query_builder Mon Dec 7 2020 2:07 PM
visibility 324
തൃശ്ശൂർ : ജില്ലയിൽ തദ്ദേശസ്വയംഭരണ സ്ഥാപനങ്ങളിലെ തിരഞ്ഞെടുപ്പിന് ആവശ്യമായി റിട്ടേണിങ് ഉദ്യോഗസ്ഥർക്ക് നൽകുന്ന പോളിങ് സാമഗ്രികളുടെ വിതരണം പൂർത്തിയായി. പോളിങ് സാമഗ്രികളുടെ വിതരണ ചുമതലയുള്ള ജില്ലാ പഞ്ചായത്ത്‌ ഡെപ്യൂട്ടി ഡയറക്ടറുടെ നേതൃത്വത്തിലാണ് ബ്ലോക്കുകളുടെയും മറ്റും ചുമതലയുള്ള റിട്ടേണിങ് ഓഫീസർമാർക്ക്‌ സാമഗ്രികൾ വിതരണം ചെയ്തത് ബ്ലോക്ക് തലത്തിലാണ് ഇതിനാവശ്യമുള്ള കിറ്റുകൾ തയ്യാറാക്കിയത്. ആർ ഒ മാരുടെ നേതൃത്വത്തിൽ പോളിങ് ഉദ്യോഗസ്ഥർക്ക് നൽകാനുള്ള കിറ്റുകൾ തയ്യാറായി വരുന്നു.കിറ്റിൽ ഉദ്യോഗസ്ഥർക്ക് ആവശ്യമായ പി പി ഇ കിറ്റ്, മാസ്ക്, സാനിറ്റൈസർ, ഗ്‌ളോവ്സ് എന്നിവയും
തിരഞ്ഞെടുപ്പ് നടപടികൾക്ക് ആവശ്യമായ മഷി പാഡ്, പേനകൾ, സീലുകൾ, കവറുകൾ, വാക്സ്,
പോളിംഗ് ഏജൻറ് നിയമനം, നിയമനം പിൻവലിക്കൽ, തർക്ക വോട്ടുകളുടെ പട്ടിക, രേഖപ്പെടുത്തിയ വോട്ടുകളുടെ കണക്ക് എന്നിവയടങ്ങിയ ഫോമുകൾ എന്നിവയും അടങ്ങിയിരിക്കുന്നു.ജില്ലയിലെ തിരഞ്ഞെടുപ്പിന്റെ തലേദിവസമായ ഡിസംബർ 9 ന് ഈ കിറ്റുകൾ വിതരണ കേന്ദ്രങ്ങളിൽ പോളിങ് ഉദ്യോഗസ്ഥർ വിതരണം ചെയ്യും.