query_builder Mon Dec 7 2020 2:31 PM
visibility 325
ഇടുക്കി: തെരഞ്ഞെടുപ്പ് ഡ്യൂട്ടിക്കായി ദുര്‍ഘടപാതകള്‍ താണ്ടി പോളിങ് ഉദ്യോഗസ്ഥര് ഇടമലക്കുടിയിലെത്തി. ആദ്യസംഘം ഇന്ന് രാവിലെ ഏഴോടെയാണ് പുറപ്പെട്ടത്. മൂന്നാറില്‍ നിന്നും വിദൂരത്തിലുള്ള നൂറടിക്കുടില്‍ വാല്‍പ്പാറ വഴിയാണ് വോട്ടിങ് യന്ത്രങ്ങള്‍ കൊണ്ടുപോയത്. തമിഴ്നാട് തിരുപ്പുര്‍ കളക്ടറുടെ അനുമതി വാങ്ങി ഇടമലക്കുടിയില്‍ എത്തിയ സംഘം യന്ത്രങ്ങളുമായി ഒന്‍പതിന് രാവിലെയാണ് തിരിച്ചെത്തുക. ഹാംറോഡിയോ ഉപയോഗിച്ചാണ് കഴിഞ്ഞ തെരഞ്ഞെടുപ്പുകളില്‍ കുടിയിലെ വിവരങ്ങള്‍ കൈമാറിയിരുന്നതെങ്കില്‍ ഇത്തവണ പോലീസ് വയര്‍ലെസ് ഉപയോഗിച്ചാണ് വിവരങ്ങള്‍ കൈമാറുന്നത്. ഏതെങ്കിലും വോട്ടിങ് യന്ത്രങ്ങള്‍ക്ക് കേടുസംഭവിച്ചാല്‍ പകരമായി ഉപയോഗിക്കാന്‍ മൂന്ന് യന്ത്രങ്ങള്‍ നല്‍കിയിട്ടുണ്ട്. 13 വാര്‍ഡുകളാണ് ഇടമലക്കുടിയിലുള്ളത്.