query_builder Sat Dec 5 2020 3:07 PM
visibility 212
തിരുവനന്തപുരം: ജില്ലയില്‍ നിയമം ലംഘിച്ചു സ്ഥാപിച്ചിരുന്ന 23,329 പ്രചാരണോപാധികള്‍ ആന്റി ഡീഫേസ്‌മെന്റ് സ്‌ക്വാഡ് നീക്കം ചെയ്തു. 20,114 പോസ്റ്ററുകള്‍, 1,791 ബോര്‍ഡുകള്‍, 1,423 ഫ്‌ളാഗുകള്‍ എന്നിവയാണ് നീക്കം ചെയ്തത്. സ്‌ക്വാഡിന്റെ പരിശോധന വരും ദിവസങ്ങളിലും തുടരും. പ്രചാരണം അവസാനിക്കുന്ന ദിവസങ്ങളില്‍ കൂടുതല്‍ കൊടിതോരണങ്ങളും പോസ്റ്ററുകളും പതിപ്പിക്കുന്നതു പതിവാണ്. നിയമങ്ങള്‍ കര്‍ശനമായി പാലിച്ചു മാത്രമേ ഇത്തരം പ്രചാരണോപാധികള്‍ സ്ഥാപിക്കാവു എന്ന് കളക്ടര്‍ അറിയിച്ചു.