query_builder Sat Dec 5 2020 4:58 PM
visibility 219
ചാവക്കാട്:ചേറ്റുവ തീരദേശ പുഴയോര റോഡരുകിൽ വലിയ ലോറികളിൽ ഇരുട്ടിന്റെ മറവിൽ മാലിന്യം നിറച്ച ചാക്കുകൾ കൊണ്ടിടുന്നത് കാരണം മോണിംഗ് വാക്കിനും,ഈവനിംഗ് വാക്കിനും ഇറങ്ങുന്നവർക്കും,മറ്റ് കാൽനട യാത്രക്കാർക്കും വളരെയധികം ബുദ്ധിമുട്ടുകൾ അനുഭവപ്പെടുന്നുണ്ട്.ചേറ്റുവ പാലം മുതൽ പുളിക്കകടവ് പാലം വരെയുള്ള തീരദേശ റോഡിലെ തെരുവ് വിളക്കുകൾ നാളുകൾ ഏറെയായി കത്താത്തതിനാൽ ആണ് ഇരുട്ടിന്റെ മറവിൽ ഈ മാലിന്യ ചാക്കുകൾ ലോറികളിൽ കൊണ്ടുവന്ന് തട്ടുന്നത് എന്ന് നാട്ടുകാർ പറയുന്നു.മാലിന്യങ്ങൾ ഇടുന്നതിനെ കുറിച്ച് പരിസരത്തുള്ള വിവിധ ക്ലബ്ബുകളും,പൊതുപ്രവർത്തകരും അധികൃതർക്ക് പരാതികൾ നൽകിയിട്ടും,പരിഹാരം ഇല്ലാത്തതിനാൽ ഇപ്പോഴും വിവിധ തരം മാലിന്യ കിറ്റുകൾ കൊണ്ടിടുന്നത് നിർത്തിയിട്ടില്ല.അടിയന്തിരമായി ഇതിനൊരു ശാശ്വത
പരിഹാരം ബന്ധപ്പെട്ട അധികാരികൾ കൈക്കൊള്ളണമെന്ന് നാട്ടുകാർ ആവശ്യപ്പെട്ടു.