query_builder Sun Dec 6 2020 4:32 AM
visibility 152
സജീഷ് കുമാറിന് ഇത് കഠിനാധ്വാനത്തിനും അർപ്പണബോധത്തിനും ലഭിച്ച അംഗീകാരം
കായക്കൊടി: കാലിക്കട്ട് യൂണിവേഴ്സിറ്റിയുടെ 2019-20 വർഷത്തെ മികച്ച എൻ.എസ്.എസ്.പ്രോഗ്രാം ഓഫീസറായി തിരഞ്ഞെടുക്കപ്പെട്ട വി.കെ.സജീഷ് കുമാറിന് ഇത് കഠിനാധ്വാനത്തിനും അർപ്പണബോധത്തിനും ലഭിച്ച അംഗീകാരം. മൊകേരി ഗവ: കോളജിൽ ഗണിത ശാസ്ത്ര വിഭാഗം അധ്യാപക നായ ഇദ്ദേഹം എൻ.എസ്.എസ് പ്രോഗ്രാം ഓഫീസർ സ്ഥാനത്തേക്ക് കടന്നു വന്നത് കോളജ് എൻ.എസ്.എസ്.യൂണിറ്റിന് പുതിയൊരു ദിശാബോധം നൽകിക്കൊണ്ടായിരുന്നു. സജീഷ് കുമാറിൻ്റെ മികവാർന്ന നേതൃത്വത്തിൻ കീഴിൽ ഒരെ മനസോടെ കോളജിലെ ഊർജ്ജസ്വലരായ വിദ്യാർത്ഥികളും അണിനിരന്നതോടെ എൻ.എസ്.എസിൻ്റെ ചടുലമായ പ്രവർത്തനങ്ങൾക്ക് ആരംഭം കുറിക്കുകയായിരുന്നു.പൊതു ജന സ്വീകാര്യമായ പ്രവർത്തനങ്ങൾ സുത്യർഹമായ രീതിയിൽ നടത്തിക്കൊണ്ട് എങ്ങനെയാണ് ഒരു വിദ്യാഭ്യാസ സ്ഥാപനത്തിനും അതിനു കീഴിലെ എൻ.എസ്.എസ്.യൂണിറ്റിനും സാമൂഹ്യ പ്രതിബന്ധത ഉയർത്താനാകുക എന്ന് കാണിക്കുന്നതായിരുന്നു നടത്തിയ ഓ രൊ പ്രവർത്തനങ്ങളും.പ്രളയ ബാധിത പ്രദേശങ്ങളിൽ എൻ.എസ്.എസ്.യൂണിറ്റിൻ്റെ പ്രവർത്തനങ്ങൾ പ്രശംസനീയമായിരുന്നു.പ്രളയ യുമായി ബന്ധപ്പെട്ട് മരുതോങ്കര പഞ്ചായത്തിലെ ദുരിതാശ്വാസ ക്യാമ്പുകളിലെ ശുചീകരണം വയനാട്ടിൽ പ്രളയത്തിൽ സർവ്വവും നഷ്ട്ടപ്പെട്ടവർക്ക് അവശ്യ സാധനങ്ങൾ എത്തിച്ചു നൽകിയത് എന്നിവ എടുത്തു പറയേണ്ടവയാണ്."സഹപാഠിക്കൊരു സ്നേഹ വീട്" പദ്ധതിയുടെ ഭാഗമായി രണ്ട് വീടുകളാണ് സജീഷ് കുമാറിൻ്റെ ചടുലമായ നേതൃത്വത്തിൻ കീഴിൽ നിർമ്മിച്ച് നൽകിയത്.ഇതിൽ ആദ്യ വീട് നിർമ്മിച്ച് നൽകിയത് പശുക്കടവ് ആദിവാസി കോളനിയിൽ നിന്നും ആദ്യമായി കോളജ് പ്രവേശനം ലഭിച്ച പെൺകുട്ടി എന്ന വിശേഷണത്തിന് അർഹയായ ആതിര എന്ന വിദ്യാർത്ഥിക്കു വേണ്ടിയായിരുന്നു. ആളുകൾക്ക് നടന്നു കയറാൻ പോലും പ്രയാസകരമായ ദുർഗടവഴിയിലൂടെ അധ്യാപകൻ്റെ നേതൃത്വത്തിൽ കുട്ടികൾ കല്ലും, മണ്ണും, സിമൻ്റും ചുമന്ന് സ്വപ്ന ഭവനം പൂർത്തീകരിച്ച് നൽകുകയായിരുന്നു.സെമിനാറുകൾ, ബോധവത്ക്കരണ ക്ലാസുകൾ, പരിസ്ഥിതി സൗഹൃദ ക്യാമ്പസ്, ശിൽപശാലകൾ, ഓറിയൻ്റേഷൻ ക്ലാസുകൾ, രക്തദാന ക്യാംപുകൾ, ലഹരി വിരുദ്ധ പ്രവർത്തനങ്ങൾ, തുടങ്ങി ഒട്ടേറെ പ്രവർത്തനങ്ങൾ എൻ.എസ്.എസ്.യൂണിറ്റിനെ ശ്രദ്ധേയമാക്കുന്നതായിരുന്നു. ചില അംഗീകാരങ്ങൾ അത് അർഹിക്കുന്നവരുടെ കൈയ്യിൽ എത്തിച്ചേരുമ്പോൾ അതിന് തിളക്കം കൂടും എന്നതിന് ഉത്തമ ഉദാഹരണമാണ് വി.കെ.സജീഷ് കുമാർ.വൈകി വന്ന അംഗീകാരം മൊകേരി ഗവ: കോളജിനും എൻ.എസ്.എസ്.യൂണിറ്റിനും മികച്ച നേട്ടം തന്നെയാണ്. കോഴിക്കോട് സ്വദേശിയാണ് സജീഷ്