query_builder Sun Dec 6 2020 7:08 AM
visibility 154
വെള്ളറട: കെ.എസ്.ആർ.ടി.സി. റഫറണ്ടവുമായി ബന്ധപ്പെട്ടുള്ള പ്രചാരണത്തിന്റെ ഭാഗമായി വെള്ളറട കെ.എസ്.ആർ.ടി.സി. ഡിപ്പോയിൽ പ്രചാരണം കൊഴുക്കുന്നു. മൂന്ന് തൊഴിലാളി സംഘടനകളും ഡിപ്പോയും പരിസരവും കൊടിതോരണങ്ങൾകൊണ്ട് നിറയ്ക്കാനായി മത്സരപ്പോരാട്ടമാണ് നടത്തുന്നത്.
പഞ്ചായത്ത് തിരഞ്ഞെടുപ്പിനേക്കാൾ വെല്ലുന്ന തരത്തിൽ ഡിപ്പോയ്ക്കുള്ളിൽനിന്ന് പുറത്തെ പ്രവേശന കവാടം വരെ കൊടിതോരണങ്ങൾ നിറഞ്ഞനിലയിലാണ്. 30-നാണ് റഫറണ്ടം നടക്കുന്നത്. ഇതിന്റെ ഭാഗമായി കെ.എസ്.ടി.ഇ.എസ്. വെള്ളറട യൂണിറ്റ് സജ്ജമാക്കിയ ബൂത്ത് ഓഫീസിന്റെ ഉദ്ഘാടനം ആർ.എസ്.എസ്. ജില്ലാ സദസ്യൻ ജി.കെ.സുരേഷ്‌കുമാർ നിർവഹിച്ചു. യൂണിറ്റ് പ്രസിഡന്റ് എസ്.അജയകുമാർ അധ്യക്ഷനായി. സെക്രട്ടറി കെ.സുരേഷ്‌കുമാർ, എം.എൻ.വിജേഷ്, പാക്കോട് ബിജു, എസ്.ആർ.അനീഷ്, സുനിൽ, പദ്മകുമാർ, ബിജു, ഗിരീഷ്, പ്രമോദ് എന്നിവർ പ്രസംഗിച്ചു.