query_builder Sun Dec 6 2020 4:19 PM
visibility 855
കോഴിക്കോട്:
വ്യാജ സ്വർണാഭരണങ്ങൾ ദേശസാത്കരണബാങ്കിൽ വച്ച് കോടികളുടെ തട്ടിപ്പ് നടത്തിയ സ്ത്രീ അറസ്റ്റിൽ. വയനാട് ഇരുളം മണവയൽ പുതിയേടത്ത് വീട്ടിൽ ബിന്ദു.കെ.കെ.(43) ആണ് കോഴിക്കോട് ടൌൺ പോലീസ് ഇൻസ്പെക്ടർ .എ.ഉമേഷിൻ്റെ നേതൃത്വത്തിൽ അറസ്റ്റ് ചെയ്തത്.
ദേശ സാൽക്യത ബാങ്കിൽ വ്യാജ സ്വർണാഭരണങ്ങൾ പണയം വെച്ച്16951385 (ഒരു കോടി അറുപത്തിയൊൻപത് ലക്ഷത്തി
അമ്പത്തിയൊന്നായിരത്തി മുന്നൂറ്റി എൺപത്തിയഞ്ചു രൂപ) വിവിധപേരുകളിലും അക്കൗണ്ടുകളിലുമായി പണയം വെച്ചതായി ബാങ്ക്ഓഡിറ്റിംഗിൽ വ്യക്തമാകുകയായിരുന്നു. തുടർന്ന് ബാങ്ക് നൽകിയ പരാതിയിൽടൗൺ പോലീസ് കേസെടുക്കുകയും കേസിൻെറ ഗൗരവം കണക്കിലെടുത്ത്സിറ്റി പോലീസ് കമ്മിഷണർ എ.വി. ജോർജിൻ്റെ നിർദേശ
പ്രകാരം അസി.പോലീസ് കമ്മിഷണർ എ.ജെ .ബാബുവിൻെറ നേതൃത്വത്തിൽ പ്രത്യേക സംഘങ്ങളിലായി പല സ്ഥലങ്ങളിലും റെയ്ഡ്
നടത്തുകയും തെളിവുകൾ ശേഖരിച്ച് നടത്തിയ അന്വേഷണത്തിലാണ് ബിന്ദു അറസ്റ്റിലായത്.
ഇവർ കോഴിക്കോട് നഗരത്തിൽ റെഡിമെയ്ഡ് കട, ബ്യൂട്ടി പാർലർ , ഹോട്ടൽ, ടൈലറിങ് യൂണിറ്റ് തുടങ്ങിയ സ്ഥാപനങ്ങൾ നടത്തിവന്നതിനാലും ഇവരുടെ അക്കൗണ്ടുകൾ ബാങ്കിലുണ്ടായതിനാലും ബാങ്കിൽകൃത്രിമം നടത്താൻ എളുപ്പം സാധിച്ചു. പ്രതി ഇതിനുവേണ്ടി സ്വന്തം സ്ഥാപനങ്ങളിലെ ജീവനക്കാരെയും,സുഹൃത്തുക്കളെയും
ഉപയോഗപ്പെടുത്തിയിരുന്നു. പ്രതി നഗരത്തിലെ ഒരു ഫ്ലാറ്റിൽ താമസിച്ചുവരികയായിരുന്നു. പ്രതിയുടെ ഫ്ലാറ്റിൽ നിന്നും കടകങ്ങളിൽ നിന്നും
ഇത്തരത്തിലുള്ള വ്യാജ ആഭരണങ്ങൾ കണ്ടെത്തിയിട്ടുണ്ട്. ബിന്ദു മുൻപ് ചിട്ടി
തട്ടിപ്പ് കേസിൽ ഉൾപ്പെട്ട് ജാമ്യത്തിൽ കഴിഞ്ഞ് വരികയാണ്. കേസിൽ
കൂടുതൽ പ്രതികളുണ്ടോ എന്നും മറ്റ് സഹായങ്ങൾ ലഭിച്ചിട്ടുണ്ടോ എന്നും പോലീസ്
അന്വേഷിച്ചുവരുകയാണ്. അന്വേഷണത്തിൽ ടൌൺ പോലീസ് എസ്.ഐ
മ്മാരായ ബിജിത്ത്. കെ.ടി. വാസുദേവൻ.പി., ,എ.എസ്.ഐ.മുഹമ്മദ് സബീർ,
എസ്.സി.പി.ഒ ഉദയകുമാർ, സുനിത, സിജി , സി.പി.ഒ സജീഷ്, സിജിത്ത്, സുധിലാ വേണുഗോപാൽ എന്നിവരും കൂടാതെ സൗത്ത് സബ്ഡിവിഷനിലെ എല്ലാ എസ്.ഐ.മാരും റെയ്ഡിൽ പങ്കെടുത്തു.