query_builder Mon Dec 7 2020 1:16 PM
visibility 323
നിലമ്പൂർ:മുണ്ടേരി ഫാമിൽ ഡിഡിയെ തൊഴിലാളികൾ ഘരാവോ ചെയ്യുന്നു. സ്ത്രീകളടക്കമുള്ള 100 കണക്കിന് തൊഴിലാളികളാണ് ഡപ്യൂട്ടി ഡയറക്ടർ ജമീല കുന്നത്തിനെ ഓഫീസിൽ പൂട്ടിയിട്ടത്.തിങ്കളാഴ്ച വൈകീട്ട് 7 മണിയായിട്ടും ഡിഡിയെ മോചിപ്പിക്കാൻ തൊഴിലാളികൾ തയ്യാറായിട്ടില്ല. പോലീസ് സ്ഥലത്തെത്തി ചർച്ചക്ക് നേതൃത്വം നൽകുന്നുണ്ട്.
മുണ്ടേരിഫാമിൽ കാട്ടാനയുടെ ആക്രമണം രൂക്ഷമാണ്. നൈറ്റ് കാവൽ നിഷേധിച്ചതോടെ കാട്ടാനകളെ തുരത്തൽ അസാധ്യമാണ്.കഴിഞ്ഞ രണ്ടാഴ്ച കാലത്തിനിടെ വ്യാപക കൃഷിനാശമാണ് കാട്ടാനക്കൂട്ടം വരുത്തിയത്.
പ്രധാന തോട്ടമായ പോളിനേഷൻ പ്ലോട്ട് ആണ് കഴിഞ്ഞ ദിവസം ആന കയറി പൂർണമായും നശിപ്പിച്ചു.
.കാലാകാലങ്ങളായി രാത്രി കാവൽ ജോലി നോക്കുന്നതിന് തൊഴിലാളികളെ നിയോഗിച്ചിരുന്നു.എന്നാൽ മാറി വന്ന പുതിയ ഡപ്യൂട്ടി ഡയറക്ടർ ഭരണ പരിഷ്കാരത്തിൻ്റെ ഭാഗമായി കാവൽ ജോലി ഒഴിവാക്കിയിരുന്നു.ഇതിനു ശേഷം ആനകൾ വിളകൾ നശിപ്പിക്കുന്നത് പതിവായി.
കാട്ടാന ആക്രമണത്തിൽ നിന്നും കാർഷിക വിളകളെ സംരക്ഷിച്ച് ഫാമിൻ്റെ ഉന്നതി നിലനിർത്താൻ രാത്രി കാവൽ നിർബന്ധമാണ്. ആയതിനാൽ ഉടൻ നൈറ്റ് ഡ്യൂട്ടിക്കായി തൊഴിലാളികളെ നിയോഗിക്കണമെന്നാവശ്യപ്പെട്ടാണ് സംയുക്ത തൊഴിലാളി യൂണിയനുകളുടെ നേതൃത്വത്തിൽ ഡിഡി ജമീല കുന്നത്തിനെ പൂട്ടിയിട്ടത്.
സുധി, സുകേഷ്, ബോബൻ എന്നിവർ സംസാരിച്ചു